دار أجيال

محمد شرف الدين

Tags

اعريس 2010 – 4 سنين بيدور.. رأيكم مهم

July 17th, 2010

كنت اجلس مع أحد أصدقائي الجاهزين للزواج، وهو بصراحة، لا حجة له كي يؤخر الزواج كل هذا الوقت
قربت منه، وقلت له، قد أساعدك
قال لي: طب ايدي على كتفك
بدأت أتكلم معه، وأحاوره
-ما الذي أخرك ؟
-لم أجدها بعد
-ما مواصفاتها، أو ما هي المواصفات التي تبحث عنها؟
-أن تكون جميلة
-كيف جميلة؟
-بيضاء مدورة، لا يختلف عليها اثنين
-ولكن الجمال شئ نسبي، والأصل القبول
-ده مواصفاتي
-طب زي مين؟
-من اللي نعرفهم؟
-ما بحبش أتكلم عن حد أعرفه، ممكن تقوللي في الممثلات، أو الأعراق المعروفة – شكل الجمال اللي بتحبه
- مش قادر أقول لك… عارف يا شرف .. حد جميل كدة
- هممم ربنا يستر .. مش عارف أحددلك كده أنا اللي حاسس انها تنفعك بالنسبة لي جميلة، وانت عارف البنات المحجبات حجاب كويس، مش بيبان قوي جمالهم الحقيقي غير للي فاهم…
-أنا كل العرايس اللي شفتهم كانوا الظاهر اللي جايبنهم بس شايفنهم حلوين…
-طب غير الجمال.. عاوزها تشتغل؟
-ممكن أول سنة بس، بعد أول عيل عاوزها تقعد في البيت
-حتى لو عمل خدمي.. زي تعليم أو طب؟
-ما اعتقدش اني أحبها تشتغل
-طب ممكن تبقى مرتبطة قبل كدة؟ كانت مخطوبة وفسخت؟ أو كان نكتوب كتابها واطلقت؟ أو مطلقة؟
-لا، عاوز أبقى أول واحد
-ايه الحكمة؟
-مااعرفش، ما احبش واحدة عندها سابق خبرة قبل كدة مع حد
- حتى لو كان الموضوع ما طولش؟ وهي ملتزمة؟
- حتى ولو
-بس انا أعرف بنات زي الفل وفسخوا أو اطلقوا بسبب مشاكل في الطرف الآخر كبيرة، كان مستحيل يكملوا
-يبقى أهلها ما بيعرفوش يختاروا..
- مش ممكن ناس تمثل على ناس باسم الدين، ويخافوا من “ان جاءكم من ترضون دينه وأمانته فزوجوه”؟؟
-أنا رافض مبدأ اني أتجوز واحدة كانت مرتبطة أصلا بحد قبلي..
- طب انت بقالك قد ايه بتدور.. ؟؟؟
-أكثر من 4 سنين..
-خطبت قبل كدة؟؟
-آآه مرتين
-ما كملوش؟
-ما حصلش نصيب نعرف نكمل .. أصل أهل واحدة….

بصراحة لم أحب أن أكمل الحديث معه، وقررت أني لن أقدمه لأي عروسة
وأكيد فاهمين ليه.. وأكيد حاتعذروني
أحب رأيكم في ذلك…

Comments:

Copyright © 2018 The Sacred Bond Rights Reserved | Privacy Policy | Sitemap