دار أجيال

محمد شرف الدين

Tags

افن النكد الزوجي – المقالة الأولى

May 27th, 2014

النكد صنعة بنعملها كل يوم ..
بنتفنن أننا نتكلم في الاختلافات مع أن مساحة الاتفاق كبيرة أوي …
تيجي البنت يبقى خارج معاها خطيبها أو جوزها .. ماتلاقيش أي موضوع تتكلم فيه معاه في الساعتين اللي مفضي نفسي لها فيهم، ودافع دم قلبه علشان يبسطها .. غير المواضيع اللي تنكد بها عليه وتتخانق معاه فيها … لأنها مش شايفة أنها ممكن تعيش من غير ما “تقنعه” بوجهة نظرها في الموضوع اللي هو مش واخذ باله منه ونخلليهياخذ باله من وجهة نظرها “اللي صح طبعا” واللي هو مش فاهم حاجة عنها ولا فيها ..
وطبعا ده مره في مره بيزهد الراجل في أنه يفكر من أساسه أنه يخرج مع مراته أو خطيبته، ناهيك أنه بيخلليه شايل هم أي مناقشة مستقبلية معاها .. يحس أنه مش سعيد في العلاقة ..
الطيب فيهم بيكمل وبيتجنب أنه يخش في النقاشات ده ثاني وبالتالي بيقلل من فرص التواجد معاها لوحدهم قدر المستطاع، وبيعمل الواجب اللي مطلوب منه علشان الدنيا تمشي ..
بس الأغلبية يا بتسيب الجمل بما حمل وبيسيبوا العلاقة اللي جايبالهم وجع القلب .. أو بياخذوا أجازة بدون مرتب من البيت، يعني بيختار أنه يبقى زوج مع وقف التنفيذ .. فبيخللي العلاقة بينه وبينها صورية قدام المجتمع مافيهاش تواصل ولا علاقة زوجية من أساسه، ويعيشوا زي ناس كتيير اختارت كده …

يا بنات : لو جوزك حابب يخرج معك ومفضي لك نفسه مخصوص فإن ده علشان يستمتع باللي بيحبوا فيكي بالحلال .. ما تخلليهوش يزهق منك ويشيل هم الخروج معك بافتعال المشكلات واختيار المواضيع الخلافية للمناقشات الحامية في الوقت اللي المفروض تتبسطوا فيه ..
حسسي جوزك بقيمة الوقت والجهد اللي فضاهولك .. علشان انت نفسك ساعتها حاتتبسطي به وهو مبسوط ..
جربي وادعي لي ..

Copyright © 2017 The Sacred Bond Rights Reserved | Privacy Policy | Sitemap